НИСА сүрөөсү 127- аят ✍ Орозокул уулу Асылбек Аллах таала айтты: *«(Эй, Мухаммад!) Сенден аялдар жөнүндө фатва (өкүм) сурашат. Айткын: “Аялдар жөнүндө силерге Аллах жана Китептеги жетим кыздар, алсыз-бечара (жетим) балдарга арнап окулган аяттар өкүм берет. (Жана силерди, сулуулугуна же байлыгына) кызыгып үйлөнүп алып, (кийин) аларга берилиши парз кылынган махырды бербей койгон (жетим кыздардын укугун орундатууга) жана жетимдер үчүн адилет башчылык кылууга (буюрат). Кандай гана жакшылык кылсаңар да Аллах аны албетте, Билүүчү».* (Ниса сүрөөсү, 127-аят) *БУЛ АЯТТЫН ТҮШҮҮ СЕБЕИ* Урва ибну Зубайр Айша, радыяллаху анхадан, Аллах тааланын *«Жетимдерге адилеттүүлүк кыла албайбыз деп корксоңор»* деген сөзү тууралуу сурады. Ал айтты: "Эй, эжемдин баласы! Жетим кыз багып алган валийсинин колунда чоңоёт, ал жетим кыздын мал-мүлкүнө шериктеш болот. Эгерде анын мал-мүлкү көп жана сулуу болсо, анда ага махырын аз берип үйлөнүп алгысы келип, андан башка адам бергенчелик махыр берет.