“Эл аралык “Трансперенси Интернешнл” уюмунун 2017-жылдагы сурамжылоосу менен Кыргызстан коррупция боюнча 180 өлкөнүн ичинен 135-орунга чыкты. Бул көрсөткүч мамлекетте коррупция кеңири кулач жайганынан кабар берет. Урматтуу Өткүрбек Асилбекович, кызматкерлериңиз айыл өкмөттөрдүн артынан түшө бербей, резонанс жараткан экономикалык кылмыштардын бетин ачууга басым жасап, коррупцияны ооздуктоого аракет кылышы керек”. Бул тууралуу “Өнүгүү-Прогресс” парламенттик фракциясынын депутаты Мирлан Бакиров Жогорку Кеңеш Башкы прокурордун жылдык маалыматын угуп жаткан пленардык жыйында билдирди.